برنامج حسابات عربي للشركات والمحلات
الفاتورة بتتقيد لوحدها، والسندات والشيكات والأقساط متابعة، والقوائم المالية جاهزة في أي لحظة.
فيديو النظام في 30 ثانية
نظام المبيعات والحسابات العامة في 30 ثانية30 ثانية
حسابات مظبوطة من غير ما تعيد كتابة حاجة
نظام المبيعات والحسابات العامة في Smart Pro معمول للشركات التجارية والمحلات اللي عايزة حسابات مظبوطة من غير تعقيد. بتعمل فاتورة البيع أو الشراء مرة واحدة، والقيد بيتعمل لوحده على الحسابات الصح، ورصيد العميل أو المورد والخزنة بيتحدّثوا في نفس اللحظة. مفيش ترحيل يدوي ولا دفاتر بتتكتب مرتين.
التحصيل والصرف بسندات قبض وصرف، والشيكات الواردة والصادرة ليها شاشة بتتابع تاريخ الاستحقاق والحالة لحد التحصيل أو الصرف. والبيع بالأقساط بمقدم وعدد شهور، والقسط بيتحسب لوحده. ولو حابب، شاشة دفع بتظهر عند حفظ الفاتورة (تفعّلها لكل نوع: مبيعات أو مشتريات أو مرتجعات): تختار طريقة الدفع وتكتب المدفوع، والبرنامج يطلّع «الباقي للعميل»، وتحفظ بـ Enter.
وقت ما تحتاج تعرف وضعك: الميزانية العمومية (المركز المالي) بشكل حرف T أو رأسي، وعليها علامة «✓ الميزانية متوازنة»، والمخزون وصافي ربح السنة بيتحسبوا لحظيًا من الأصناف. وقائمة الدخل (المتاجرة والأرباح والخسائر) بمجمل الربح وصافي الربح، ومخزون أول وآخر المدة محسوب من الأصناف. وفي آخر السنة بتقفل الحسابات والبرنامج بيقترح ترحيل الأرباح المحتجزة.
وكشف حساب أي عميل أو الفاتورة بتتبعت لشات العميل على واتساب مباشرة، من واتساب ويب أو برنامج واتساب، والرسالة جاهزة وانت تدوس إرسال. ومن ناحية الدقة: البرنامج مبيقبلش مستند بتاريخ بعد تاريخ النهارده على السيرفر (ما عدا عروض الأسعار والطلبيات)، ومراجع القيود بينبّهك قبل حفظ أي قيد ممكن يبوّظ الميزانية.
كل الحسابات في مكان واحد
نظام المبيعات والحسابات العامة شامل المخزون، وتقدر تضيف نقاط البيع أو الموارد البشرية أو التصنيع.
قيود تلقائية
كل فاتورة وسند بيعمل قيده لوحده، ورصيد العميل بيتحدّث على طول.
فواتير البيع والشراء
نقدي وآجل وأقساط، ومرتجعات وعروض أسعار، وأنماط فواتير لكل فرع بالأعمدة اللي تختارها.
شاشة الدفع عند الحفظ
طرق الدفع والمدفوع و«الباقي للعميل» والحفظ بـ Enter — اختياري لكل نوع فاتورة.
السندات والشيكات والأقساط
قبض وصرف بإيصال، وشيكات بتاريخ الاستحقاق والحالة، وأقساط بتتحسب وتتابع.
الميزانية العمومية
حرف T أو رأسي، بعلامة «✓ الميزانية متوازنة»، والمخزون وصافي الربح محسوبين لحظيًا.
قائمة الدخل
المتاجرة والأرباح والخسائر: مجمل الربح وصافي الربح، ومخزون أول وآخر المدة من الأصناف.
قفل الحسابات
قفل السنة مع اقتراح ترحيل الأرباح المحتجزة، ودفتر الأستاذ وميزان المراجعة.
الضريبة
ضريبة القيمة المضافة على الفواتير والإقرار الضريبي.
واتساب مباشرة
الفاتورة وكشف الحساب لشات العميل من واتساب ويب أو البرنامج — الرسالة جاهزة وانت تدوس إرسال.
تاريخ مضبوط
مفيش مستند بتاريخ بعد النهارده على السيرفر (ما عدا عروض الأسعار والطلبيات).
شوف البرنامج بيشتغل
شروحات قصيرة بالفيديو من جوه البرنامج، خطوة بخطوة.
الحسابات ماشية لوحدها
- 1
اعمل الفاتورة
من شاشة المبيعات أو المشتريات.
- 2
القيد بيتعمل
على حسابات العميل والمبيعات والضريبة، ومتزن.
- 3
التقارير جاهزة
كشوف الحساب والقوائم المالية محدّثة.
أسئلة بتتكرر
محتاج أكون محاسب عشان أستخدم البرنامج؟
لا. الفواتير والسندات بتعمل قيودها لوحدها، والشاشات بالعربي وبسيطة. والمحاسب عنده كل اللي محتاجه من قيود يومية وقوائم مالية.
البرنامج بيطلّع الميزانية وقائمة الدخل؟
أيوه: الميزانية العمومية بشكل حرف T أو رأسي بعلامة «✓ الميزانية متوازنة»، وقائمة الدخل بمجمل الربح وصافي الربح، والمخزون محسوب من الأصناف. ومعاهم ميزان المراجعة ودفتر الأستاذ وكشوف الحساب، وتصدّرهم Excel أو PDF.
ينفع أبعت الفاتورة للعميل على واتساب؟
أيوه. الفاتورة أو كشف الحساب بيتبعتوا لشات العميل مباشرة، من واتساب ويب (في نفس الشباك) أو برنامج واتساب على الكمبيوتر، والرسالة بتبقى جاهزة وانت بتدوس إرسال.
ينفع حد يعمل فاتورة بتاريخ قدام؟
لا. البرنامج مبيقبلش أي مستند بتاريخ بعد تاريخ النهارده على السيرفر، ما عدا عروض الأسعار والطلبيات.
سعر برنامج الحسابات كام؟
المبيعات العادية بـ 7,000 ج.م ومعاها الحسابات الأساسية (خزنة وبنوك ومصروفات وعملاء وموردين ومكسب الشهر). والحسابات الاحترافية (قيود وميزانية وقائمة دخل وضرايب وشيكات وأصول) بـ 5,000 ج.م زيادة مرة واحدة، يعني 12,000 ج.م.
جاهز تجرّب Smart Pro 12.1؟
جرّب الحسابات العامة على نشاطك شهر مجانًا، والتسطيب علينا.