برنامج تصنيع وإنتاج: من الخامة للمنتج التام

اعرف القطعة بتتكلف عليك كام بالظبط

لو بتصنّع أي حاجة، من ملابس ومنظفات لحد مواد غذائية، أهم سؤال هو: القطعة دي بتتكلف كام؟ في Smart Pro بتفتح كارت المنتج من دليل المواد وتخلّي نوعه «مادة مجهزة»، ومن تاب «المكونات والتكلفة» بتضيف الخامات اللي بتدخل في القطعة الواحدة ومقدار كل خامة، زي متر قماش وخيط وزراير وكيس. وأول ما تحفظ، البرنامج بيحسب تكلفة القطعة من أسعار مكوناتها.

لما تبدأ تنتج، بتعمل فاتورة إنتاج: تختار المنتج والكمية ومخزن الخامات ومخزن استلام المنتج، وتدوس «نزّل المكونات» فالخامات بتنزل مضروبة في الكمية. وتقدر تضيف المصاريف الإضافية زي الكهرباء والتشغيل، والعمالة بالساعة، ونسبة الهالك لكل خامة، فتكلفة القطعة بتطلع شاملة كل حاجة. ولو شغلك على مراحل، فيه أوامر شغل وقوالب تصنيع ومراحل للإنتاج بعمالتها ومصاريفها.

ومع الترحيل، البرنامج بيعمل فاتورة إخراج للخامات من مخزنها وفاتورة إدخال للمنتج التام في مخزن الاستلام بتكلفته، فرصيد كل خامة والمنتج بيتحدّثوا على طول. وشاشات التصنيع بتتعرض كاملة على شاشة 1366×768 من غير سكرول. والتصنيع إضافة لأي نظام فيه مخزون: المبيعات والحسابات أو نقاط البيع أو المطاعم أو الصيدليات.