برنامج مطاعم وكافيهات: الصالة والتيك أواي والدليفري

من الطاولة للمطبخ للعميل.. من غير ورق ولا زعيق

في المطعم أو الكافيه، الغلطة في طلب واحد ممكن تخسرك عميل. برنامج المطاعم في Smart Pro بيبدأ من نوع الطلب: صالة أو تيك أواي أو دليفري. في الصالة بتختار الطاولة وتفتحها، وبتضيف الأصناف من أقسام المنيو بالصور، وتكتب ملاحظة زي «من غير بصل» أو «زيادة جبنة» توصل المطبخ زي ما هي.

أول ما الكاشير يدوس «مطبخ»، كل قسم بيطبع البون بتاعه على طابعته: المشويات على طابعة المطبخ والمشروبات على طابعة البار. ولو عندك شاشة مطبخ، الطلب بيظهر عليها بتنبيه، والشيف بيحرّكه من «تحضير» لـ«جاهز»، والوقت بيحمرّ لو الطلب اتأخر أكتر من 20 دقيقة.

في الدليفري بتحدد الطيار اللي خرج بالطلب، وبتتابع الطلبات اللي فات ميعادها، ولما الطلب يتسلّم الفلوس بتتسجل بسند قبض على الطيار أو الخزنة. وكل الأصناف بتسحب من المخزون بمكوناتها، فتعرف تكلفة الوجبة واستهلاك الخامات وتقارير كل كاشير وكل طيار.