برنامج كاشير ونقاط بيع للمحلات والسوبر ماركت
بيع أسرع على الكاشير، ودرج مظبوط في آخر كل وردية، ومخزون عارف رصيده لحظة بلحظة.
فيديو النظام في 30 ثانية
نظام نقاط البيع وإدارة المخزون في 30 ثانية30 ثانية
كاشير بيخلّص الطابور.. ويقفل الوردية من غير خناقة
في المحل أو السوبر ماركت، كل ثانية على الكاشير فارقة. شاشة نقطة البيع في Smart Pro معمولة عشان الكاشير يمسح الباركود أو يدوس على الصنف من الشاشة أو يدوّر بجزء من الاسم، والصنف ينزل في الفاتورة على طول بسعره. الميزان الإلكتروني متربط، فالخضار واللحوم والجبن بتتباع بالوزن من غير حسابات على الورق.
الدفع كاش أو فيزا أو محفظة، والبرنامج بيطلّعلك الباقي للعميل. ولو العميل نسي حاجة ورجع يجيبها، علّق الفاتورة وكمّل مع اللي وراه، وبعدين افتحها تاني بنفس الأصناف. وكل ده شغال على الشبكة الداخلية من غير إنترنت، فالبيع مبيقفش لو النت قطع.
في آخر الوردية الكاشير بيكتب الفلوس اللي عدّها في الدرج، والبرنامج بيقارنها بالمفروض لكل طريقة دفع ويطلّع العجز أو الزيادة، ويطبع تقرير الإغلاق على طول. والمخزون بيتخصم مع كل فاتورة، فتعرف الأصناف الأكثر مبيعًا والراكدة واللي قرب يخلص قبل ما الرف يفضى.
كل اللي الكاشير والمدير محتاجينه
نظام نقاط البيع وإدارة المخزون بيشتغل لوحده أو مع المبيعات والحسابات.
باركود وميزان
مسح الباركود، وطباعة باركود لأصنافك، وربط الميزان للبيع بالوزن.
ورديات وتقفيل الخزنة
فتح الوردية بالفكة، ومراجعة فواتيرها، وتقفيلها بالعجز والزيادة.
فواتير معلقة
علّق فاتورة العميل وكمّل مع غيره، وارجعلها بأصنافها في أي وقت.
شاشة الدفع
كاش وفيزا ومحفظة، والمدفوع و«الباقي للعميل» قدامك، والحفظ بـ Enter.
مخزون لحظي وجرد
رصيد كل صنف في كل مخزن، وجرد، وتحويل بضاعة بين الفروع.
مشتريات ومرتجعات
فواتير الشراء من الموردين ومرتجعات البيع والشراء بقيودها.
تقارير البيع
الأكثر مبيعًا والراكد، ومبيعات كل كاشير وكل وردية وكل فرع.
صلاحيات ورقابة
كل كاشير يشوف شاشته بس، والخصم والحذف بموافقة المدير.
رصيد مش مكفّي؟
انت بتحدد: البرنامج يمنع الحفظ، أو يسأل ويكمّل، أو يكمّل على طول.
شوف البرنامج بيشتغل
شروحات قصيرة بالفيديو من جوه البرنامج، خطوة بخطوة.
يومك على البرنامج
- 1
افتح الوردية
الكاشير بيبدأ بالفكة اللي في الدرج.
- 2
بيع بسرعة
باركود أو شاشة لمس أو بحث بالاسم، والدفع بأي طريقة.
- 3
اقفل وراجع
تقرير الوردية بيوضح كل جنيه دخل الدرج.
أسئلة بتتكرر
لو رصيد الصنف خلص، الكاشير يقدر يبيعه؟
انت اللي بتحدد من إعداد «لو رصيد الصنف مش مكفّي»: يمنع الحفظ، أو يسأل ويكمّل، أو يكمّل على طول.
البرنامج بيشتغل على شاشة لمس وطابعة حرارية؟
أيوه. شاشة نقطة البيع معمولة للمس والماوس، والفاتورة بتطلع على الطابعات الحرارية أو A4 بتصميم برأس محلك.
ينفع أبيع بالوزن من الميزان؟
أيوه، البرنامج بيتربط بالميزان الإلكتروني وبيقرا باركود الميزان، فالصنف بينزل بوزنه وسعره.
لو النت قطع البيع هيقف؟
لا. البرنامج شغال على الشبكة الداخلية بين جهاز السيرفر والكاشيرات، والإنترنت مش مطلوب عشان تبيع.
عندي أكتر من كاشير وفرع، ينفع؟
ينفع. كل كاشير بيدخل باسمه، وكل فرع بمخزنه وخزنته، والإدارة بتشوف كل الفروع مع بعض لحظيًا. والجهاز الزيادة بـ 2,500 ج.م، والفرع الزيادة ومعاه البيع من غير نت بـ 3,000 ج.م.
سعر برنامج الكاشير كام؟
نقاط البيع والماركت بـ 6,000 ج.م بالحسابات الأساسية، أو 11,000 ج.م بالحسابات الاحترافية. دفعة واحدة وتملكه مدى الحياة، وأول سنة صيانة مجانًا.
أنظمة بتشتغل معاه
جاهز تجرّب Smart Pro 12.1؟
جرّب الكاشير ونقاط البيع على نشاطك شهر مجانًا، والتسطيب علينا.