برنامج مخازن ومخزون لكل الفروع
رصيد كل صنف في كل مخزن قدامك، والتحويل والجرد وحركة الصنف بضغطة.
فيديو النظام في 30 ثانية
نظام نقاط البيع وإدارة المخزون في 30 ثانية30 ثانية
اعرف عندك إيه.. وفين.. وبكام
المخزن هو فلوسك الواقفة على الرفوف. في Smart Pro كل صنف ليه كود ومجموعة ووحدات (قطعة وكرتونة مثلًا) وسعر بيع وسعر شراء، وكل حركة بيع أو شراء أو مرتجع بتعدّل الرصيد لحظتها في المخزن اللي اتعملت منه. فبتعرف رصيد أي صنف في أي فرع من غير ما حد يروح يعدّ.
لو عندك أكتر من مخزن أو فرع، إذن التحويل بينقل البضاعة من مخزن لمخزن بسعر التكلفة، ورصيد الصنف في المخزنين بيظهر قدامك وانت بتحوّل. والجرد بتختار فيه المخازن والمجموعة، وبيطلعلك رصيد كل صنف وقيمته بالتكلفة، والحالة بتنبّهك لو صنف قرب يخلص.
وكارت الصنف (تقرير حركة الصنف) بيوضح رصيد أول المدة وكل وارد وصادر في كل فاتورة والرصيد بعد كل حركة، فأي فرق في الجرد بتعرف جه منين. والمخزون متاح مع نظام نقاط البيع وإدارة المخزون، أو ضمن نظام المبيعات والحسابات العامة للشركات.
إدارة المخزون من الأول للآخر
المخزون شغال مع نقاط البيع والمبيعات والمطاعم والصيدليات والتصنيع.
دليل الأصناف
مجموعات وأصناف بكود ووحدات متعددة وأسعار بيع وشراء.
مخازن وفروع
كل فرع بمخزنه، والإدارة بتشوف الأرصدة كلها مع بعض.
تحويل بين المخازن
إذن تحويل بالكميات، والبضاعة بتتنقل بسعر التكلفة.
الجرد
جرد حسب المخزن والمجموعة بالكميات وقيمة المخزون.
حركة الصنف
كارت الصنف بكل وارد وصادر ورصيد بعد كل حركة.
تنبيه النواقص
الأصناف اللي قربت تخلص بتبان في تقرير المخزن.
الباركود
طباعة باركود على الأصناف ومسحه في البيع والشراء.
المشتريات والمرتجعات
فواتير الشراء بالوحدة اللي تحبها، ومرتجعات للمورد.
التحكم في الرصيد السالب
إعداد «لو رصيد الصنف مش مكفّي»: يمنع الحفظ، أو يسأل ويكمّل، أو يكمّل.
شوف البرنامج بيشتغل
شروحات قصيرة بالفيديو من جوه البرنامج، خطوة بخطوة.
المخزن ماشي إزاي
- 1
سجّل أصنافك
بالمجموعات والوحدات والأسعار.
- 2
اشتري وبيع
كل فاتورة بتعدّل رصيد المخزن لحظتها.
- 3
حوّل وجرد
التحويل بين الفروع والجرد بضغطة.
أسئلة بتتكرر
البرنامج بيدعم أكتر من مخزن؟
أيوه. تقدر تعمل مخازن على قد ما تحتاج، وكل فرع بمخزنه، وتحوّل بينهم بإذن تحويل.
ينفع أبيع بالقطعة وأشتري بالكرتونة؟
أيوه. الصنف ليه أكتر من وحدة بمعامل تحويل، والرصيد بيظهر بالوحدتين.
ينفع أمنع البيع لو الصنف مش موجود في المخزن؟
أيوه. إعداد «لو رصيد الصنف مش مكفّي» فيه 3 اختيارات: يمنع الحفظ، أو يسأل ويكمّل، أو يكمّل من غير ما يسأل.
إزاي أعرف الأصناف اللي قربت تخلص؟
تقرير جرد المخزن بيوضح حالة كل صنف، وبينبّهك على الأصناف اللي قربت تخلص.
برنامج المخازن بييجي لوحده؟
المخزون جوه نقاط البيع والماركت (6,000 ج.م) والمبيعات العادية (7,000 ج.م). وأكتر من مخزن جزء من الحسابات الاحترافية (5,000 ج.م زيادة).
أنظمة بتشتغل معاه
جاهز تجرّب Smart Pro 12.1؟
جرّب المخازن والمخزون على نشاطك شهر مجانًا، والتسطيب علينا.